10 Arsyet Për Dekriminalizimin e Punës Së Seksit

Puna e seksit është kriminalizuar jo vetëm përmes ndalimeve të shitjes së shërbimeve seksuale, por edhe përmes ligjeve që ndalojnë shitblerjen e seksit, jetesën nga të ardhurat e punës së seksit, mbajtjen e shtëpive publike ose blerjen e shërbimeve seksuale. Me reduktimin e lirisë së punonjësve të seksit që të negociojnë përdorimin e prezervativëve me klientët, të organizohen për trajtim të drejtë dhe të mbrojnë publikisht të drejtat e tyre, kriminalizimi dhe politikat agresiva kanë treguar rritjen e vulnerabilitetit të punonjësve të seksit ndaj dhunës, kërcënimeve dhe rreziqeve shëndetësore.

Kjo përmbledhje sjell dhjetë arsye se pse dekriminalizimi i punës së seksit është politika më e mirë e promovimit të shëndetit dhe të drejtave të njeriut për punonjësit e seksit, familjet dhe komunitetet e tyre. Eliminimi i ndjekjes penale për punën e seksit lidhet ngushtë me njohjen e punës së seksit si punë dhe mbrojtjen e të drejtave të punonjësve të seksit përmes standardeve të shëndetit dhe sigurisë në vendin e punës. Dekriminalizimi i punës së seksit do të thotë që punonjësit e seksit të kenë më shumë gjasa të jetojnë pa njollë, përjashtim nga shoqëria dhe frikë nga dhuna.