Skip to main content
Newsroom Fact sheet

ღია საზოგადოების ფონდები და ჯორჯ სოროსი

ღია საზოგადოების ფონდების დამაარსებელი მსოფლიოს ერთ-ერთი ყველაზე დიდი ფილანთროპი—ჯორჯ სოროსია, რომელმაც 1984 წლიდან დღემდე ქველმოქმედებაზე საკუთარი ფინანსური შემოსავლებიდან $32 მილიარდი დოლარი დახარჯა.

ღია საზოგადოების ფონდები მთელი მსოფლიოს მასშტაბით მხარს უჭერს პიროვნებებსა და ორგანიზაციებს, რომლებიც იბრძვიან სიტყვის თავისუფლების, გამჭვირვალე და ანგარიშვალდებული მმართველობისთვის, აგრეთვე თანასწორი და სამართლიანი საზოგადოების შესაქმნელად. მხარდაჭერა ხშირად მიმართულია მათზე, ვინც ევროპელი ბოშების მსგავსად, თავიანთი იდენტობის გამო განიცდიან დისკრიმინაციასა და სოციალურ გარიყულობას.

სოროსმა, რომელიც 1930 წელს უნგრეთში დაიბადა და ნაცისტური ოკუპაციის დროს მოუწია ცხოვრება, თავად გამოსცადა საზოგადოების მხრიდან მსგავსი შეუწყნარებლობა. ნაცისტურ ოკუპაციას უნგრეთში 500,000 უნგრელი ებრაელის სიცოცხლე შეეწირა. 1947 წელს, როცა ხელისუფლებაში კომუნისტები მოვიდნენ, სოროსმა დატოვა ბუდაპეშტი და ემიგრაციაში წავიდა, ჯერ ლონდონში, შემდეგ კი შეერთებულ შტატებში, სადაც მან დიდ წარმატებას მიაღწია ფინანსებისა და ინვესტიციების სამყაროში.

ქველმოქმედება სოროსმა 1979 წელს დაიწყო აპარტეიდის ქვეშ მყოფი შავკანიანი სამხრეთ აფრიკელების სწავლის დაფინანსებით. 1980-იან წლებში სოროსმა კომუნისტურ უნგრეთში დააარსა ფონდი, რომელიც ხელს უწყობდა სამოქალაქო საზოგადოების ჩამოყალიბებას. ბერლინის კედლის დაცემის შემდეგ კი იგი მხარს უჭერდა აღმოსავლეთ და ცენტრალურ ევროპაში დემოკრატიისა და დემოკრატიული ინსტიტუტების გაძლიერებას.

ცივი ომის დასრულების შემდეგ სოროსის ქველმოქმედებამ შეერთებული შტატები, აფრიკა და აზიაც მოიცვა. მისი მიზანი იყო ანგარიშვალდებული, გამჭვირვალე და დემოკრატიული საზოგადოების ჩამოყალიბებისაკენ მიმართული ახალი ფართომასშტაბიანი ღონისძიებების მხარდაჭერა.

The Open Society Foundations were founded by George Soros, one of the world’s foremost philanthropists, who since 1984 has given away $32 billion of a personal fortune made in the financial markets.

Open Society has supported individuals and organizations across the globe fighting for freedom of expression, transparency, accountable government, and for societies that promote justice and equality. This giving has often focused on those who face discrimination purely for who they are, such as Europe’s Roma people, and others pushed to the margins of mainstream society.

Soros has experienced such intolerance firsthand. Born in Hungary in 1930, he lived through the Nazi occupation, which resulted in the murder of over 500,000 Hungarian Jews. In 1947, as the Communists took power, Soros left Budapest for London and then emigrated to the United States, entering the world of finance and investments where he was to make his fortune.

Soros began his philanthropy in 1979, giving scholarships to black South Africans under apartheid. In the 1980s, he helped promote the open exchange of ideas in Communist Hungary; after the fall of the Berlin Wall, he sought to strengthen democratic practice and institutions across East and Central Europe.

With the Cold War over, he expanded his philanthropy to the United States, Africa, Latin America, and Asia, supporting a vast array of new efforts to create more accountable, transparent, and democratic societies.


9 ფაქტი ღია საზოგადოების ფონდების შესახებ:

  1. ღია საზოგადოების ფონდებში დღეისათვის ოცდასამი ეროვნული და რეგიონული ფონდია, რომლებიც ადგილობრივი საბჭოების მიერ იმართება. საბჭოს წევრები ადგენენ ფონდის პრიორიტეტებს ადგილობრივი საჭიროებებიდან გამომდინარე და მეთვალყურეობას უწევენ ფონდის საქმიანობას.
  2. პირველი ფონდი დაარსდა 1984 წელს უნგრეთში, ხოლო რიგით ბოლო –მიანმარში 2016 წელს.
  3. ღია საზოგადოების ფონდები აფინანსებს პარტნიორი ორგანიზაციების მთლიანი ბიუჯეტის არაუმეტეს 33%-ისა, რათა უზრუნველყოს მათი ფინანსური მდგრადობა და ამავე დროს შენარჩუნდეს მათი ფინანსური დამოუკიდებლობაც.
  4. ბილ და მელინდა გეითსების ფონდის შემდეგ, ღია საზოგადოების ფონდები მეორე, ყველაზე დიდი კერძო საქველმოქმედო ფონდია. ქველმოქმედების ტრადიციას აშშ-ში საფუძველი ჩაუყარეს ისეთმა წარმატებულმა ბიზნესმენებმა, როგორიცაა ენდრიუ კარნეგი, როკფელერებისა და ფორდის ოჯახები.
  5. ღია საზოგადოების ფონდები ევროპაში ბოშა უმცირესობის მხარდამჭერი ყველაზე დიდი კერძო დამფინანსებელია.
  6. 1993 წლის დასაწყისში ყოფილ იუგოსლავიის ქვეყნებში მიმდინარე ომების, განსაკუთრებით კი სარაევოს ალყის დროს, ფონდმა ათეულობით მილიონი დოლარი გამოყო ჰუმანიტარული დახმარებისა და აღდგენითი ღონისძიებებისთვის.
  7. ამერიკის შეერთებულ შტატებში ფონდი 1996 წლიდან მუშაობს, მისი ძირითადი მიმართულებებია სისხლის სამართლის სისტემისა და ნარკოპოლიტიკის რეფორმების ხელშეწყობა, დემოკრატიული ჩართულობის გაძლიერება და ჰუმანური საიმიგრაციო კანონმდებლობის მხარდაჭერა. ამერიკის პროგრამები ფონდის მთლიანი საქმიანობის დაახლოებით 17%-ს შეადგენს.
  8. აღსანიშნავია, რომ ღია საზოგადოების ფონდები არაერთხელ ჩართულა სადავო საკითხებზე გამართულ ისეთ პოლიტიკურ დებატებში, რომელსაც სხვა ფონდები თავს არიდებენ. ჩვენ ვამაყობთ, რომ ვთანამშრომლობთ ისეთ ადამიანებთან, რომლებიც საზოგადოებისგან თავს გარიყულად გრძნობენ თავიანთი იდენტობის გამო.
  9. აღსანიშნავია, რომ ღია საზოგადოების ფონდები არაერთხელ ჩართულა სადავო საკითხებზე გამართულ ისეთ პოლიტიკურ დებატებში, რომელსაც სხვა ფონდები თავს არიდებენ. ჩვენ ვამაყობთ, რომ ვთანამშრომლობთ ისეთ ადამიანებთან, რომლებიც საზოგადოებისგან თავს გარიყულად გრძნობენ თავიანთი იდენტობის გამო.

Download

Read more

Subscribe to updates about Open Society’s work around the world